FLASH
Shkruar nga Pamfleti
Protestuesit u larguan nga Kryeministria drejt Ministrisë së Brendshme, ndërsa pranë Hotel Dajtit u përplasën me forcat e policisë. Nga turma u hodhën molotovë.
Kanë nisur tensionet në protestën e opozitës në Tiranë, pasi turma e protestuesve u largua nga Kryeministria dhe marshoi drejt Ministrisë së Brendshme.
Përballë zonës së Hotel Dajtit, policia ka bllokuar avancimin e protestuesve duke krijuar kordon sigurie, ndërsa më pas ka përdorur ujë me presion dhe gaz lotsjellës për shpërndarjen e turmës.
Nga ana tjetër, protestuesit kanë hedhur molotovë dhe mjete të tjera në drejtim të forcave të rendit, duke sjellë përshkallëzim të situatës në zonë.
Në terren ndodhen forca të shumta policie, ndërsa situata vijon të jetë e tensionuar në afërsi të Ministrisë së Brendshme dhe bulevardit qendror.
Protesta e kësaj mbrëmjeje nisi para Kryeministrisë pa fjalime politike, ndërsa opozita kishte paralajmëruar marshim në rrugët e Tiranës.
pse nuk shkruani qe ishin talibanet e fundit qe i kishin mbetur sllavo-komunistit SB
Me shume jane BODYGARDET e Sali CARIT, se protestuesa