
Reali i Madridit dhe Barcelona po vazhdojnë me planet për organizimin e Superligës Europiane të futbollit, duke tentuar shkëputjen nga skemat tradicionale të UEFA-s.
Kritik i madh i risive që kërkojnë klubet e mëdha spanjolle është presidenti i La Ligas, Javier Tebas.
Ai mendon se numri 1 i Realit të Madridit, Perez, do ta shkatërrojë futbollin me idetë e tij. “Gjëja e parë është që ta bëjmë të qartë se kush qëndron mbrapa saj. Dihet, por nuk thuhet mjaftueshëm. Është Perez.
Perez ka qëllime jashtë futbollit. Mendoj se është shumë jo serioze të prezantosh një format të tillë që nuk flet për qeverisjen e përbashkët të këtij sporti me pasion”.
Më shumë sesa shpëtimi i futbollit, misioni i Perezit duket qartë se është ta shkatërrojë futbollin”.
Lini një Përgjigje