
Edhe pse të dëshpëruar me mënyrën si humbën në mesjavë në minutat e fundit ndaj Liverpulit në Champions League, PSG fitoi 1-4 në transfertë ndaj Rene, ndeshje e vlefshme për javën e 25 në Ligën 1.
Barkola hapi serinë e golave në minutën e 26, duke dërguar bukur topin mes këmbëve të portierit vendas. Pjesa e parë u mbyll 0-1 për PSG-në.
Parizienët shënuan golin e dytë me Gonçalo Ramos në minutën e 50, pas asistit të bukur të Barkola. Vendasit ngushtuan shifrat me golin e Brasier në minutën e 52.
PSG shënoi dhe dy gola të tjerë në minutat shtesë 91 dhe 94 me Osman Dembele. Pas kësaj fitoreje, PSG kryeson me 16 pikë më shumë se vendi i dytë që mbahet nga Marsejë.
Lini një Përgjigje