FLASH
Shkruar nga Pamfleti
Milani i ka thënë lamtumirë Ligës së Europës, teksa është eliminuar në çerekfinale nga Roma. Në “Olimpico”, verdhekuqtë që triumfuan ndeshjen e parë në “San Siro” me rezultatin 0-1 ndaj ekipit kuqezi ia dolën sonte në shtëpi me rezultatin 2-1 me golat e Mançinit dhe Dibalës, por ishte edhe një karton i kuq për Çelik që ndërhyri me taka te thembra e Leaos nga mbrapa.
Milani goditi edhe shtyllën me Loftus Çik në 45 minutat e para. Mançini realizoi pasi Pelegrini goditi shtyllën dhe topi u kthye te mbrojtësi, ndërsa Dibala në një kundërsulm të bukur gjeti këndoren duke mposhtur portierin Menjo.
Në minutën e 86, Milani ngushtoi diferencën me Gabian, por goli i tij vlejti vetëm për statistikë.
Në Bergamo, Liverpuli mposhti Atalantën me rezultatin 0-1 me golin e shenuar nga Salah me penallti që pas 7 minutash lojë, por kjo nuk i mjaftoi ekipit të Jurgen Klop për t’u kualifikuar në gjysmëfinale. Liverpuli u ankua edhe për një prekje me dorë të mbrojtesit të Atalantës Hien qe e ndaloi topin dhe mori vetëm me kartonin e verdhë.
Uest Hemi fitoi 1-0 ndaj Leverkusenit, me golin e Antonio, por kjo nuk i mjaftoi skuadrës angleze për të vazhduar më tej, pasi në ndeshjen e parë është mundur me rezultatin e pastër 2-0 nga Leverkuseni në Gjermani.
Lini një Përgjigje