FLASH
Shkruar nga Pamfleti
Barcelona ka fituar 7-1 ndaj Valencia-s në “Camp Nou”, ndeshjen e vlefshme për javën e 21 në La Liga. Katalanasit shënuan 3 golat e parë në harkun e 10 minutave lojë.
Pas një aksioni të shpejtë në krah, Jamal dha një asist të mrekullueshëm për Frenki De Jong, holandezi dërgoi topin në rrjetë pa u mbushur 3 minuta lojë.
Pesë minuta më vonë, djemtë e Flik shënuan golin e dytë, këtë herë me Ferran Torres, i cili dërgoi topin në rrjetë pas pasimit të marrë nga Balde.
Goli i tretë u shënua nga i zakonshmi Rafinja në minutën e 14, braziliani shënoi një gol shumë të bukur pas një pasimi fantastik të Fermin Lopez.
Më pas ishte pikërisht ky i fundit që shënoi edhe dy herë të tjera, në minutat 24 dhë në fund të pjesës së parë. Miqtë shënuan golin e nderit në minutën e 60 me Hugo Duro.
Nuk mund të mungonte Robert Levandovski pa shënuar në këtë sfidë, polaku shënoi golin e gjashtë për Barcelonën pas pasimit të marrë nga Fermin Lopez.
21-vjeçari sapnjoll pati një performancë të jashtëzakonshme sot, ku shënoi 2 gola dhe dha dy asiste dhe jo më kot u zgjodh si lojtari më i mirë i ndeshjes.
Në minutën e 75 ishin vetë lojtarët e Valencias që dërguan topin në rrjetën e tyre. Pas kësaj fitoreje, Barcelona gjendet në vendin e tretë me 42 pikë, 3 pikë më pak se Atletiko e vendit të dytë dhe 7 pikë më pak se Reali në vendin e parë.
Lini një Përgjigje