FLASH
Shkruar nga Pamfleti
Projekt korruptiv e ka konsideruar kreu demokrat, Sali Berisha, atë të Smart City, ndërsa theksoi se çmimet janë 30 herë më të larta se vlera reale e kamerave që do të përdoren.
Në një konferencë për mediat, Berisha u shpreh se në qoftë se kamera e trupit të policit kushton në këtë projekt 15.700 euro, ajo blihet kudo me 1000- 1500 euro.
“Në rast se kamera e rrugës kushton 52 mijë euro, kjo kamerë blihet lirshëm me 2 mijë euro. Pra është 25 herë më e shtrenjtë se sa gjendet në treg.
Kostot e projektit në tërësi rezultojnë, krahasuar me zbatimin e tyre në vendet e tjera, në proporcion të paktën 10-12 herë më të larta”, tha Berisha.
Në vijim, duke bërë krahasime, kreu demokrat u shpreh se në Bengalore të Indisë ky projekt ka kushtuar 67 milionë dollarë për një popullsi 8 milionë banorë, mbi katërfishin e popullsisë së Shqipërisë, ndërsa këtu kushton 157 milionë euro.
“Edhe këtu dora e zezë e kunatit famëzi me prestanome është e sigurt. Imagjinoni pra vjedhjet 15-fishi i kostos të një qyteti të famshëm në Indi. Dënoj me forcën më të madhe një projekt të tillë si një vjedhje të përmasave të papërmbajtura, si një dhunim dhe cenim i madh i sigurisë kombëtare të shqiptarëve, i privacisë së tyre. Ata tani nuk mund të shkojnë më tek njëri-tjetrit pa syrin e Ciklopit mbrapa dhe ky është Edi Rama. Sigurisht që PD do e ngrejë më forcën më të madhe këtë çështje edhe në institucionet ndërkombëtare pasi përbën një shkelje fondamentale të të drejtave të njeriut”, tha Berisha.
Lini një Përgjigje