FLASH
Shkruar nga Pamfleti
Prokuroria belge ka shkatërruar bandën shqiptare të drogës e cila operonte me plantacione marijuane në të gjithë vendin. Mësohet se në pranga kanë rënë 19 shqiptarë.
Hetimi filloi në tetor të vitit 2024 pasi zona e policisë Bruksel-Perëndim (Molenbeek, Ganshoren, Jette, Koekelberg dhe Sint-Agatha-Berchem) mori një denoncim për një banor të Jette, i cili dyshohet se ishte përfshirë në kultivimin dhe shitjen e marijuanës.
“Hetimi i thelluar, duke përfshirë përgjimet telefonike, vëzhgimet në vend dhe analizat e flukseve financiare, zbuloi ekzistencën e një organizate të dyshuar kriminale të strukturuar në shkallë të gjerë. Kjo organizatë është e bazuar kryesisht në komunat Jette dhe Ganshoren dhe thuhet se i centralizon aktivitetet e saj atje, veçanërisht ruajtjen e drogës. Produktet më pas do të shiteshin në nivel lokal për klientët në të gjithë Belgjikën”, raportoi zyra e prokurorit publik të Brukselit.
Sipas prokurorisë publike, banda përdorte një rrjet pronash banesore për të strehuar plantacione kanabisi.
“Trembëdhjetë prona janë të vendosura në komuna të ndryshme belge, duke përfshirë Sint-Genesius-Rode, Lasne, Uatermael-Boitsfort, Sint-Pieters-Uoluwe, Mons, Fontaine-l’Evêque, Herent, Gosselies, Rixensart, Bertrix, Soignies dhe Jette. Këto prona zakonisht ndodhen në zona të banuara, me qira mujore që vlerësohet se për to pagueshin nga 1700 deri në 2600 euro. Kontratat e qirasë do të hartoheshin sistematikisht me dokumente identiteti false, gjë që do ta bënte më të lehtë fshehjen e aktiviteteve të tij kriminale”, tha ai.
Në fund të janarit, hetuesit kryen më shumë se njëzet kontrolle në shtëpi, duke zbërthyer rrjetin kriminal. Gjatë operacionit u zbuluan njëmbëdhjetë plantacione kanabisi, ku u rritën gjithsej 7980 bimë.
“Kjo përfaqëson një korrje vjetore të vlerësuar prej më shumë se një ton kanabis, me një vlerë tregu prej afërsisht 4,200,000 euro”, njoftoi zyra e prokurorit publik.
Policia sekuestroi 23 kilogramë marijuanë, 654 gram kokainë, 13 mijë euro, pesë automjete, një armë zjarri, 28 celularë dhe disa dokumente të falsifikuara.
Gjithsej u arrestuan 19 persona. Katërmbëdhjetë të dyshuar u arrestuan përfundimisht nga gjyqtari hetues. Një nga të dyshuarit e arrestuar u mbajt në një qendër të mbyllur me qëllim deportimin në Shqipëri. Katër të tjerët u lanë të lirë.
“Ky është një çmontim i plotë i një rrjeti kriminal shqiptar që ishte aktiv në rajonin tonë dhe në të gjithë vendin. Hetimi është ende në vazhdim dhe në interes të hetimit, zyra e prokurorit publik të Brukselit nuk do të komentojë më tej”, tha prokuroria publike e Brukselit.
Lini një Përgjigje