FLASH
Shkruar nga Pamfleti
Dy persona të shpallur në kërkim janë vënë në pranga nga Policia e Tiranës, pasi akuzohen për plagosje të rëndë me dashje, kryer në bashkëpunim.
Sipas policisë në pranga ranë shtetasit Isak Mema, 45 vjeç, banues në Kamëz dhe i dënuar më parë për armëmbajtje pa leje, si dhe Bilbil Ajazi, 38 vjeç, po ashtu banues në Kamëz.
Sipas policisë, ndaj tyre është ekzekutuar urdhri i ndalimit i nxjerrë nga Prokuroria e Tiranës më 15 prill 2026, për veprën penale “Plagosja e rëndë me dashje”, kryer në bashkëpunim.
Nga hetimet rezulton se më 3 prill 2025, dy shtetasit kanë goditur me sende të forta, për motive të dobëta, shtetasin A. H., duke i shkaktuar dëmtime të rënda.
“Specialistët e Komisariatit të Policisë Nr. 5, bazuar në informacionet e siguruara për vendndodhjen e dy shtetasve në kërkim, si rezultat e një pune të mirorganizuar për lokalizimin dhe kapjen e tyre, finalizuan operacionin e koduar “Double”.
Gjatë operacionit u kapën shtetasit:
-I. M., 45 vjeç, banues në Kamëz, i dënuar më parë për amëmbajtje pa leje;
-B. A., 38 vjeç, banues në Kamëz.
Në vijim të veprimeve procedurale, u ekzekutua urdhri i ndalimit i nxjerrë nga Prokuroria e Tiranës, më datë 15.04.2026, për këta 2 shtetas, për veprën penale “Plagosja e rëndë me dashje”, kryer në bashkëpunim, pasi dyshohet se më datë 03.04.2025, kanë goditur me sende të forta, për motive të dobëta, shtetasin A. H., të cilit i janë shkaktuar dëmtime të rënda. Materialet procedurale i kaluan Prokurorisë, për veprime të mëtejshme”, njoftoi sot policia.
Lini një Përgjigje