FLASH
Shkruar nga Pamfleti
Njeriu më i pasur në botë, Elon Musk dëshiron blejë skuadrën e Liverpulit. Lajmin e ka bërë të ditur babai i miliarderit, Errol Musk për “Times Radio”.
Ai u pyet: “A dëshiron djali juaj të blejë Liverpulin?” Dhe Errol u përgjigj: “Nuk mund të komentoj për këtë, ata do të rrisin çmimin!”
Më pas ai shtoi duke thënë: “Oh po, ai ka shprehur një dëshirë, por kjo nuk do të thotë se ai po e blen atë. Ai do të donte, çdo kush do të dëshironte, po ashtu edhe unë”.
Më tej babai i Elon Musk sqaroi se familja e tij ka lidhje me Liverpulin, pasi gjyshja e miliarderit ka lindur atje.
“Pra, ne jemi të lidhur me Liverpulin, ju e dini”, tha ai.
Liverpuli ka qenë në pronësi të “Fenway Sports Group” që nga viti 2010. Në shtator të vitit 2023, ata shitën një pakicë të aksioneve te një firmë investimi amerikane, “Dynasty Equity”.
Elon Musk, 53 vjeç, është CEO i Tesla dhe platformës X. Ai njihet edhe si një aleat i ngushtë i presidentit të sapozgjedhur të SHBA, Donald Trump.
Lini një Përgjigje