FLASH
Shkruar nga Pamfleti
Dështimi në kualifikueset e “EURO 2024” është hedhur mbrapa dhe tashmë fokusi është tek e ardhmja. Përfaqësuesja e Kosovës ka programuar tri ndeshje miqësore, dy për muajin mars dhe një për muajin qershor. Fillimisht më 22 mars, “Dardanët” do të luajnë kundër Armenisë në Jerevan, me synimin e vetëm që është fitorja. Më pas, më 26 mars, do të përballen me Hungarinë, në Budapest.
Ndërkaq, testin e radhës, Kosova do ta ketë më 5 qershor, ku do të luajë kundër Norvegjisë, në Oslo.
Federata e Futbollit të Kosovës është në bisedime për miqësoren e tretë për qershorin dhe shumë shpejt do të konfirmohet edhe kundërshtari tjetër. Këto miqësore do të shërbejnë që ekipi “Dardan” të përgatitet sa më mirë për ndeshjet zyrtare në vjeshtë në kuadër të Ligës së Kombeve, shorti i së cilës do të hidhet më 8 shkurt.
Lini një Përgjigje