FLASH
Shkruar nga Pamfleti
Skuadra e Dritës ka festuar sot në “Zahir Pajaziti” kualifikimin e merituar në turin e tretë të Ligës së Konferencës. Skuadra kosovare ka mundur edhe në ndeshjen e dytë islandezët e Breidablik, për të vazhduar rrugëtimin e saj në Europë.
Ekipi i drejtuar nga Zekerija Ramadani kishte fituar 2-1 ndeshjen e parë në Islandë, teksa sot ka menduar më shumë që të mos lejonte hapësira para portës së saj për të mos u befasuar nga miqtë. Të dy skuadrat kishin raste për shënim, por ishin gjilanasit ata që tundën rrjetën në pjesën e dytë.
Kastriot Selmani ishte ai i cili shënoi një gol spektakolar për t’i dhënë suksesin minimal 1-0 skuadrës së tij dhe për të siguruar që Drita të vazhdojë të turin e tretë të aktivitetit europian.
66' - FC Drita scored a banger against Breidablik what a excellent work by the dribbling of Kastriot Selmani.
— Itsbn007 (@Besar_132) July 30, 2024
1-0 for Drita.
3-1 on Aggregate
Drita should win this this game, lets hope they qualify to the uecl ,hey are in better form then Ballkani. pic.twitter.com/2XALJVa2ve
Ekipi nga Islanda nuk u pajtua me rezultatin dhe shtoi presionin për kundërshtarin. Pavarësisht 6 minutave shtesë, rezultati mbeti i pandryshueshëm deri në fund.
Në raundin tjetër të Ligës së Konferencës, Drita do të përballet me klubin nga Letonia, Auda.
Lini një Përgjigje