FLASH
Shkruar nga Pamfleti
Arsenali mori triumfin e dytë radhazi në kampionat, pasi triumfoi 1-2 ndaj Notingem Forestit në transfertë. Në minutën e 23, mysafirët lëshuan sinjale në drejtim të portës së mbrojtur nga portieri amerikan, Tërner. Gjithsesi, goditja e Martinelit u bllokua nga prapavija.
Ekipi i Artetës u tregua i rrezikshëm sidomos nga krahët. “Topçinjtë” mund të kishin shkuar në dhomat e zhveshjes në avantazh, nëse Bukajo Saka do të koordinohej mirë nga brenda zonës.
Për të ardhur te goli, Gabriel Xhesus zhbllokoi takimin, në minutën e 65. Pak më vonë, Saka siguroi fitoren me golin e qetësisë. Goli i vendasve me Taiuo Auoniji në fund shërbeu vetëm për statistikë.
Pas javës së 22, Arsenali ka 46 pikë, dy më pak se Liverpuli, ndërsa në javen e 23 dy skuadrat do jenë përballë njëra-tjetrës.
Lini një Përgjigje