FLASH
Shkruar nga Pamfleti
Pas debateve, ku disa deputetë dolën kundër Sali Berishës, Partia Demokratike ka hequr dorë nga bojkoti i Komisioneve për Reformën Territoriale dhe Zgjedhore.
Deputeti Luçiano Boçi deklaroi se pas diskutimeve në drejtuesit e partisë, PD ka vendosur të vijojë pjesëmarrjen aktive në këto struktura, duke theksuar rëndësinë e procesit.
“PD do të jetë pjesë e Komisionit Zgjedhor dhe Territorial dhe do të vazhdojë agjendën e punës. Ne nuk bojkotojmë komisionet dhe jemi të gatshëm të bashkëvijojmë këtë reformë të rëndësishme,” u shpreh Boçi.
Ai pranoi se brenda grupit parlamentar ka pasur mendime të ndryshme, përfshirë edhe ide për braktisje, por vendimi final ka qenë për të qëndruar në tryezë. Sipas tij, çdo rezultat duhet të vijë përmes dialogut dhe marrëveshjes.
“Duhet të ketë një zgjidhje konsensuale. Nëse jo, atëherë procesi do të dukej i paravendosur,” përfundoi Boçi.
Lini një Përgjigje