FLASH
Shkruar nga Pamfleti
Nënkryetari i Parlamentit, Agron Gjekmarkaj, gjatë vizitës së tij zyrtare në Parlamentin e Austrisë, zhvilloi një takim me kryetarin e Grupit Parlamentar të Miqësisë Austri–Shqipëri, Michael Hammer, si dhe me deputetë të tjerë austriakë.
Gjatë takimit, Gjekmarkaj falënderoi deputetët austriakë për mbështetjen e vazhdueshme që Austria i ka dhënë Shqipërisë në proceset demokratike dhe integrimin europian.
Ai theksoi se “integrimi europian duhet të mbetet një proces i bazuar mbi meritën, standardet demokratike dhe shtetin e së drejtës, e jo thjesht mbi konsiderata gjeopolitike”.
Nënkryetari i Parlamentit ngriti gjithashtu shqetësimet lidhur me zgjedhjet e 11 majit dhe problematikat e evidentuara në raportin e OSBE/ODIHR-it, duke theksuar nevojën për më shumë hapësira demokratike për opozitën në jetën institucionale shqiptare.
Sipas tij, shqetësues mbetet edhe “fenomeni i rrezikshëm i unifikimit të partisë me shtetin”.
Në përfundim të takimit, Gjekmarkaj përcolli edhe përshëndetjet e liderit të opozitës, Sali Berisha.
Lini një Përgjigje