FLASH
Shkruar nga Pamfleti
Ish-deputeti Lefter Maliqi ka folur lidhur me nisjen e konsultimeve të Presidentit të Republikës me partitë politike për politike për përcaktimin e datës së mbajtjes së zgjedhjeve parlamentare në Shqipëri.
Ai u shpreh se populli duhet të votojë opozitën pasi sipas tij ka 12 vite në pushtet përmes pazareve të pista me krimin.
“Populli duhet të votojë opozitën për shkak se u bënë 12 vjet qëndrimi në pushtet përmes pazareve të pista të kësaj mazhorance me krimin.
Sepse kemi krerët e opozitës të arrestuar, ku gjej rastin të përshëndes Presidentin e PL-së, Ilir Meta i cili gjendet në burg pa prova dhe fakte dhe që u arrestua në një mënyrë anti-ligjore.
Edi Rama erdhi në pushtet përmes një marrëveshjeje të nënshkruar me LSI-në në atë kohë, por si i pabesë që është ai goditi opozitën pas shpine.
Dhe po ashtu u bë edhe ndaj liderit të opozitës, z. Sali Berisha për të cilin ditën e nesërme do të ketë një vendim për lirimin e tij nga izolimi po ashtu i padrejtë dhe anti-ligjor”, u shpreh ish-deputeti Lefter Maliqi.
Ai ngriti shqetësimin e kriminalizimit të shoqërisë që vjen si pasojë e kriminalizimit të shtetit. Ish-deputeti tha se sot krimi jo vetëm bën emërime në polici, por madje bën edhe deputetë, siç pamë atë Çyrbjen në Durrës.
Maliqi deklaron se aplikacioni “Sky” ka akoma më shumë emra që nuk kanë dalë ende në publik.
“Ka disa vite që kur i pyet fëmijët se çfarë do të bëhesh kur të rritesh, të thotë se do bëhem bandit, narko-trafikant, sepse këta janë me vila, me resorte, ndërsa inxhinierët, doktorët, gazetarët me zor kalojnë muajin me pagat që marrin.
Arsimi pothuajse ka dështuar, drejtësia ka dështuar, shëndetësia ka dështuar me kohë. Policia po ashtu, ka dalë jashtë misionit të saj, sepse emërimet i bëjnë bandat.
E patë atë ngjarjen makabre në Shkodër me bandat, sepse kam qenë me detyrë në Shkodër në vitin 1999 dhe nuk ishte kjo situatë, ku armët ishin sheshit dhe nuk ishte ky kriminalitet që është sot. Dhe kujtojnë këta se po tallen dhe gënjejnë se po bëjnë konkurse fallso.
Ndryshimet e fundit kanë të bëjnë me zgjedhjet, ashtu siç është edhe bonusi i qeverisë.
Kur ka pasur vullnet politik bandat janë goditur kudo që kanë qenë. Sot krimi jo vetëm bën emërime në polici, por madje bën edhe deputetë, siç pamë atë Çyrbjen në Durrës.
Atë patë ju, sepse aplikacioni “Sky” ka akoma më shumë që nuk kanë dalë ende në publik. Aty ka deputetë, gjyqtarë, prokurorë, ministra e deri tek kryeministri që kanë dalë të gjithë në përgjimet tek aplikacioni “Sky”, u shpreh Maliqi për “Ora News”.
Lini një Përgjigje