FLASH
Shkruar nga Pamfleti
Një aksident automobilistik është regjistruar gjatë natës në aksin Lushnjë-Berat, pranë fshatit Kashtbardhë, ku një automjet ka dalë nga rruga dhe ka përfunduar në një kanal anësor.
Megjithëse ngjarja ngriti dyshime fillimisht, më vonë u konfirmua se drejtuesi i mjetit, një 29-vjeçar, ndodhet në gjendje të mirë shëndetësore. Sipas dëshmisë së tij, ai humbi kontrollin e automjetit në ecje dhe pas daljes nga rruga mbeti për disa minuta në vendngjarje duke pritur ndihmë.
I riu ka treguar se, pasi askush nuk u afrua për ta ndihmuar, arriti të dilte vetë nga makina dhe u largua drejt banesës, pasi nuk kishte dëmtime serioze. Ai kishte planifikuar që mëngjesin pasardhës të paraqitej në Komisariatin e Lushnjës për të raportuar aksidentin.
“Prita për ndihmë, por kur nuk erdhi njeri dola vetë nga makina. Nuk kisha lëndime dhe shkova në shtëpi”, ka deklaruar 29-vjeçari para efektivëve të policisë.
Lini një Përgjigje