FLASH
Shkruar nga Pamfleti
Dy persona janë shpallur në kërkim në Sarandë, pasi kanë dhunuar me leva hekuri biznesmenin 49-vjeçar Arben Çipa.
Policia informon se agresorët i kanë shkaktuar dëmtime në trup biznesmenit. Sipas bluve dyshohet se ngjarja ka ardhur si pasojë e një konflikti të mëparshëm.
"Sarandë-Specialistët për Hetimin e Krimeve në Komisariatin e Policisë Sarandë shpallën në kërkim shtetasin Xh. M., 34 vjeç, për veprën penale “Plagosja e rëndë me dashje”, e kryer në bashkëpunim, pasi dyshohet se rreth orës 20:30, në lagjen nr. 2, së bashku me dy shtetas të tjerë ende të paidentifikuar, ka goditur me sende të forta, shkopinj dhe leva hekuri, shtetasin L. M., 42 vjeç, duke i shkaktuar dëmtime trupore.
Nga hetimet dyshohet se ngjarja ka ndodhur si pasojë e një konflikti të mëparshëm gjatë ditës, në rrugën “Lefter Talo”, mes shtetasve L. M. dhe F. M., 46 vjeç (xhaxhai i shtetasit Xh. M.), ndaj të cilëve nisi gjithashtu procedimi penal për veprën penale “Dëmtime të tjera me dashje”.
Vijon puna për kapjen e shtetasve të dyshuar të përfshirë në këtë ngjarje", njofton policia.
Lini një Përgjigje