FLASH
Shkruar nga Pamfleti
Analisti Arjan Curri ka folur lidhur me hapjen e grup-kapitujve për negociatat e Shqipërisë në procesin e integrimit në Bashkimin Europian.
Sipas tij, diskursi që Rama përdor tregon se ai kërkon të rrëmbejë protagonizmin në sytë e anëtarëve të unionit, duke e cilësuar kryeministrin kështu si një “autokrat që përsërit po të njëjtat batuta filmash”.
Curri sqaroi se duhet marrë parasysh që demokratizimi i brendshëm i vendit dhe krijimi i një klase politike totalisht të re, do të jenë mekanizmat e vetëm që do të mund ta afrojnë Shqipërinë drejt Bashkimit Europian.
“Ramës nuk i bëhet vonë fare a do futemi ose jo Evropë. Rrëmben protagonizmin e ditës, bëhet si ai i cili e loboi këtë ditë. Bëhet si ai i cili duhet të jetë aty ku ishte 10 vitesh, të jetë edhe pas 10 viteve në momentin që do mundtë hyjmë në BE. Ndërkohë që gjatë këtij procesi ka ndryshuar gjithë struktura e BE, këtu ngelet po i njëjti autokrat që përsërit pot ë njëjtat batuta filmash. Negociatat mund të zgjasin edhe pafundësisht. Turqia i ka hapur negociatat në 3 Tetor të 2005-ës, 20 vjet ka që negociojnë dhe ç’bëjnë? Hapin kapituj, mbyllin kapituj dhe rikthehen nga e para. Duhet tu themi shqiptarëve që kjo nuk është ndonjë gjë e madhe, nëse ne nuk demokratizohemi së brendshmi, nuk ndryshojmë gjithë klasën politike dhe presim nga Evropa që të na marrin me zor, ne duhet të bëhemi vetë”, tha Curri për “Euronews Albania”.
Lini një Përgjigje