FLASH
Shkruar nga Pamfleti
Skuadra e Partizanit ka marrë barazimin e pestë radhazi në kampionat, teksa ndeshja në “Arenën e Demave” ndaj Skënderbeut përfundoi 1-1. Në minutën e 30-të, të kuqtë iu afruan golit me Tedi Carën, por lojtari nuk shtyu dot topin në rrjetë, edhe pse e pati mjaft të lehtë.
Korçarët e mbyllën pjesën e parë në avantazh pas golit të Yuri Merlim, vetëm 2 minuta nga fundi i kohës së rregullt. Pjesa e dytë filloi në mënyrë perfekte për skuadrën e Abilaliaj. Mba vendosi ekuilibrat, duke motivuar në maksimum kryeqytetasit për të kërkuar me ngulm përmbysjen. Në minutë ne 68-të, Partizani reklamoi një penallti, gjithsesi VAR hodhi poshtë pretendimet pasi e konsideroi faullin si jashtë zonës. Asnjë ndryshim rezultati deri në fund, Partizani renditet në vendin e dytë me 31 pikë, ndërsa Skënderbeu e sheh veten në vendin e katërt me 22 pikë.
Ndërkohë që ndeshja tjetër mes Teutës dhe Egnatias u mbyll 2-2. Golit të Dacit në minutën e 18-të iu kundërpërgjigj Dah pak para fundit. Në shtesë, vendasit “tundën rrjetën” me Filin, por asgjë nuk kishte mbaruar pasi Musta dërgoi në limite shifrat në 2-2. Sa i takon renditjes, skuadra nga Rrogozhina kryeson kampionatin me 31 pikë, sakaq durrsakët mbyllin klasifikimin me 15 pikë.
Lini një Përgjigje