FLASH
Shkruar nga Pamfleti
Roberto Mançini nuk do të vazhdojë në krye të kombëtares së Arabisë Saudite. 59-vjeçari është shkarkuar disa ditë pasi u përplas me një tifoz nga tribuna.
Tekniku italian, kishte një përplasje në distancë me një tifoz, pas barazimit pa gola ndaj Bahreinit, e vlefshme për kualifikueset e Botërorit 2026.
Mançini nuk i priti mirë kritikat nga një tifoz në shkallët e stadiumit dhe iu kthye atij me fjalë fyese. Kujtojmë se Mançini firmosi verën e kaluar një kontratë 3-vjeçare, për t’u kthyer në trajnerin më të paguar në botë. Shtatë fitore mori Mançini në 18 ndeshje të zhvilluara.
Ai pësoi gjithashtu gjashtë humbje dhe ndërkohë skuadra e tij barazoi në pesë raste. Dhe pse kërkoi falje për përplasjen me tifozin, diçka e tillë mesa duket nuk është falur pas shumë kritikave.
Lini një Përgjigje