FLASH
Shkruar nga Pamfleti
Mbrojtësi i Kombëtares shqiptare, Marash Kumbulla, është rikthyer në stërvitje me skuadrën e Mallorcës, pasi ka lënë pas dëmtimin që e mbajti larg fushave në javët e fundit. Qendërmbrojtësi shqiptar synon të rikuperojë gradualisht formën fizike dhe të jetë sërish një opsion për ekipin spanjoll.
Rikthimi i tij konsiderohet një lajm pozitiv jo vetëm për Mallorcën, e cila po përballet me një situatë të vështirë në renditjen e kampionatit spanjoll, por edhe për Kombëtaren shqiptare.
Kuqezinjtë do të përballen me Poloninë në ndeshjen e play-off më 26 mars, një sfidë e rëndësishme në rrugën drejt kualifikimit për në Kupën e Botës. Gjendja fizike e Kumbullës do të jetë një element i rëndësishëm për repartin mbrojtës të ekipit kombëtar.
Megjithatë, mbetet për t’u parë nëse mbrojtësi shqiptar do të arrijë të rikthehet në formën e tij më të mirë në kohë për këtë përballje. Në muajt e fundit, ai ka kaluar një periudhë të vështirë me probleme fizike, përfshirë shqetësime të vazhdueshme muskulore gjatë muajit shkurt, të cilat e detyruan të mungojë në disa prej ndeshjeve të fundit të Mallorcës.
Rikthimi në stërvitje është një hap i rëndësishëm drejt rikuperimit të plotë, ndërsa në ditët në vijim pritet të kuptohet nëse Kumbulla do të jetë gati për t’u rikthyer edhe në fushën e lojës.
View this post on Instagram
Lini një Përgjigje