FLASH
Shkruar nga Pamfleti
Luksi i shfrenuar në të cilin jetojnë futbollistët, sidomos ata më të mëdhenj, si të kalibrit të Nejmar, shpesh bëjnë që kapriçot e tyre të prekin shumë interesa dhe të shkaktojnë edhe dëme. Dhe pikërisht kapriço e tij e fundit ka bërë që Nejmarit t’i kushtojë 1 milion euro.
Bëhet fjalë për një liqen dhe një lumë artificial që Nejmar kishte ndërtuar së fundmi në vilën e tij luksoze në Rio de Zhaneiro, një devijim zgjatimi i një lumi aty pranë, i shoqëruar edhe me prerjen e disa pemëve, të cilat kanë ngritur në këmbë menjëherë Agjencinë e Mjedisit në Brazil, pas denoncimit të grupeve ambientaliste.
Kërkesa është mirëpritur dhe ka vënë menjëherë në lëvizje edhe forcat e policisë, të cilat kanë hyrë në shtëpi dhe pasi janë përballur edhe me të atin e Nejmarit, në fund kanë dhënë urdhrin e sekuestrimit dhe akordimin e gjobës 1 milionë euroshe. Madje, tani Nejmar, me shumë mundësi, do t’i duhet të kthejë gjithçka siç ishte më parë.
Braziliani ka qenë jashtë fushës që nga dëmtimi i kyçit të këmbës në shkurt, por pritet të kthehet së shpejti në Paris për të vazhduar rehabilitimin e tij në mënyrë që të jetë gati për sezonin e ri.
Lini një Përgjigje