
Atletiko e Madridit ka mundur 2-1 Deportivo Alaveshin në javën e 14 të La Ligës dhe është ngjitur përkohësisht në vendin e dytë të renditjes.
Ishte një fitore e vuajtur për skuadrën e Simeones që deri në minutën e 76 ishte duke humbur 1-0 në shtëpi pas penalltisë të transformuar në gol nga Guridi në minutën e 7.
Ishte Grizman që barazoi për “Los Kolçoneros” në minutën e 76 po nga pika e bardhë para se Shorloth të gjente golin e fitores dhjetë minuta më mbrapa.
Me tri pikët e marra sot, Atletiko është ngjitur në vendin e dytë të renditjes me 29 pikë, dy më shumë se Reali, por “Los Blancos” kanë dy ndeshje më pak.
Lini një Përgjigje