FLASH
Shkruar nga Pamfleti
Interi është kthyer në fushë për javën e 13 të Serisë A.
Zikaltrit shkatërruan Veronën me rezultatin 5-0 dhe kanë marrë përkohësisht kreun e klasifikimit.
Skuadra e Inzagit realizoi 4 gola në harkun e 14 minutave me Korrean në minutën e 17, Turam në minutat 22 dhe 25 dhe De Vraj në minutën e 31.
Protagonist i këtij takimi ishte edhe mesfushori i Kombëtares, Kristjan Asllani, i cili dha asistin për golin e katërt dhe e nisi ndeshjen e nga minuta e parë.
Në minutën e 41 erdhi edhe goli i Bishek.
Interi shënoi pesë gola në pjesën e parë të një ndeshjeje të kampionatit të luajtur në transfertë për vetëm herën e dytë në historinë e klubit, pas 5-1 kundër Sampdorias në 45 minutat e para, më 1 mars 1964.
Në pjesën e dytë, miqtë menaxhuan avantazhin dhe energjitë me rezultatin që mbeti i pandryshuar.
Lajmi i vetëm i keq për trajnerin Inzagi ishte dëmtimi i Açerbit pas vetëm 15 minutash lojë.
Lini një Përgjigje