FLASH
Shkruar nga Pamfleti
Akili ka reaguar për herë të parë pas largimit të tij nga reality show “Ferma Vip 3”, në një intervistë ekskluzive televizive, ku nuk ka fshehur zhgënjimin për eksperiencën e tij.
Ai u shpreh se pjesëmarrja në program nuk ka rezultuar ashtu siç e kishte menduar dhe se është penduar për këtë vendim.
“Po të ktheja kohën pas, do të thoja 1 mijë herë ‘jo’. Janë disa gjëra të brendshme, u preva në besë. Jam shumë i penduar që u bëra pjesë, dua ta harroj sa më shpejt”, tha ai, duke shtuar se ndryshe e kishte kuptuar lojën brenda shtëpisë dhe ndryshe e ka parë pasi ka dalë.
Dalja e tij ka shkaktuar reagime të shumta në rrjet, ndërsa ai u përfol edhe për debate gjatë qëndrimit në program, të cilat sipas tij kanë sjellë një perceptim të gabuar për figurën e tij.
Akili theksoi se është rritur në një ambient familjar ku janë vetëm vajza dhe se nuk ka asnjë qëndrim apo gjuhë urrejtjeje ndaj femrave, duke mohuar kategorikisht akuzat që i janë adresuar gjatë spektaklit.
Ai tregoi gjithashtu se edhe nëna e tij është ndikuar nga situata, duke i thënë pas daljes: “Nuk po të njihja më”.
Lini një Përgjigje