FLASH
Shkruar nga Pamfleti
Alis Kallaci përmbylli aventurën e tij në Eurovision Song Contest 2026, duke u renditur në vendin e 13-të me këngën “Nan”, një performancë që u prit me emocione si nga publiku shqiptar, ashtu edhe nga ai ndërkombëtar.
Gjatë gjithë kompeticionit, artisti i ri tërhoqi vëmendje me interpretimin e tij emocional dhe stilin e veçantë skenik, duke fituar mbështetje të gjerë në rrjetet sociale dhe nga fansat e muzikës në Europë.
Pas finales, Kallaci reagoi përmes një postimi në Instagram, ku shprehu mirënjohjen e tij për të gjithë ata që e kanë mbështetur në këtë eksperiencë të rëndësishme për karrierën e tij.
“Kur nisi gjithçka, më dukej shumë më e madhe se vetja ime…”, shkroi ai, duke kujtuar pasiguritë dhe emocionet si një artist i ri në një skenë të madhe ndërkombëtare, ku përfaqëson jo vetëm veten, por edhe një vend të tërë.
Ai theksoi se mbështetja e publikut, votat dhe mesazhet e shumta kanë qenë forca më e madhe gjatë gjithë rrugëtimit të tij, duke e bërë këtë eksperiencë edhe më të veçantë.
Në fund të reagimit, artisti u shpreh se kjo përvojë do të mbetet gjatë në kujtesën e tij, jo vetëm si arritje artistike, por edhe si një rritje personale dhe emocionale.
Postimi i tij është shpërndarë gjerësisht në rrjete sociale, ku shumë ndjekës e kanë vlerësuar përfaqësimin e tij në Eurovision si dinjitoz dhe premtues për të ardhmen e karrierës së tij.
Alis Respekte! Ke qene i shkelqyer mor djale! Po RTSH-ne pse nuk e permende fare?! Apo ngaqe e dine te gjithe tashme qe aty ishte thembra e Akilit e performances dhe rrugetimit tend. U perpoqen vetem te shfrytezonin imazhin tend, u perpoqen te perfitojne kredo profesionale nga figura jote, duke te dhene minimumin e asaj qe e kane per detyre te ta ofrojne. Ndoshta ka ardhur momenti qe ti thuash dhe ti ca te verteta, per RTSH-ne per drejtoreshen e saj, per cfare u be dhe cfare nuk u be ashtu sic ti do deshiroje. Ne doren tende eshte ti thuash ca gjera qe ajo qe te ndodhi ty mos i ndodhe kengetareve te tjere ne Eurovizionet e ardhshme. Heshtja nuk i pershtatet formatit tend!