FLASH
Shkruar nga Pamfleti
Kryeministri reagon i ekzaltuar pas përfshirjes së Shqipërisë në “Bordin e Paqes”...
Pas goditjeve të njëpasnjëshme, më në fund Edi Ramës i ka ardhur një mesazh pozitiv nga përtej Atlantikut.
Teksa në korridoret e politikës është folur këto ditë se Rama do të shkojë në Uashington për të dhënë llogari për dosjen “McGonigal”, kryeministri ka bërë me dije sot se presidenti Trump e ka bërë atë pjesë të Bordit të Paqes, i cili u ngrit për menaxhimin e Gazës.
Ky vendim e ka ekzaltuar aq shumë Ramën, sa të gjithë postimin në rrjetet sociale e ka shkruar me shkronja kapitale.
“Shumë i nderuar nga ftesa personale e Presidentit Trump për ta përfaqësuar Shqipërinë në Bordin e Paqes, një organizatë e re ndërkombëtare e ideuar prej tij, ku Shqipëria ftohet si anëtar themelues, duke ngjitur kështu ndërkombëtarisht një tjetër majë krejt të paimagjinueshme vetëm deri pak vite më parë. Nuk mund të jem dot më krenar për Shqipërinë, për gjithçka kemi bërë në këto vite duke e kthyer në një Shqipëri tjetër, të dinjitetshme e të respektuar botërisht si asnjëherë, e pa diskutim edhe për nivelin ku e kemi ngritur marrëdhënien e partneritetit tonë strategjik me Shtetet e Bashkuara të Amerikës, duke u ftuar me një respekt e vlerësim krejt të posaçëm nga Presidenti Donald J. Trump, për t’u bërë pjesë e një bordi ndërkombëtar të krijuar e kryesuar prej atij vetë dhe për të punuar së bashku me të. Thank you, Mr. President. God bless Albania and the United States”, shkruan Rama.
Por teksa Rama e shet si vlerësim, ka dyshime se kjo mund të jetë dhe dorë e Tony Blair. Ish-kryeministri britanik është ndër emrat kryesorë në këtë bord dhe ai njëherësh është këshilltar dhe mik i Edi Ramës.
Çfarë është "Bordi i Paqes"?
Struktura e saktë e Bordit të Paqes ende pritet të sqarohet, por dy borde të larta të veçanta janë zbuluar zyrtarisht.
Njëri është "Bordi Ekzekutiv Themelues", me një fokus të nivelit të lartë në investime dhe diplomaci. Tjetri, i quajtur "Bordi Ekzekutiv i Gazës", është përgjegjës për mbikëqyrjen e të gjithë punës në terren të një grupi tjetër administrativ, Komitetit Kombëtar për Administrimin e Gazës (NCAG).
"Bordi Ekzekutiv Themelues" do drejtohet nga Trump dhe pjesë e tij janë Sekretari amerikan i Shtetit, Marco Rubio, dhe ish-kryeministri britanik Tony Blair.
Sipas deklaratës zyrtare, çdo anëtar i bordit do të ketë përgjegjësi për një portofol që konsiderohet kritik për stabilizimin e Gazës, megjithëse ndarja konkrete e këtyre roleve ende nuk është bërë publike.
Anëtarët e "Bordit Ekzekutiv Themelues":
Tony Blair, ish-kryeministër i Mbretërisë së Bashkuar, është i vetmi anëtar themelues që nuk është shtetas amerikan. Blair drejtoi Britaninë nga viti 1997 deri në 2007 dhe ishte një figurë kyçe në Luftën e Irakut, çka e bën përfshirjen e tij në bord të diskutueshme për disa. Pas largimit nga detyra, ai shërbeu si i dërguar i Kuartetit ndërkombëtar për Lindjen e Mesme (OKB, BE, SHBA dhe Rusi) nga viti 2007 deri në 2015. Ai i ka cilësuar planet e Trump për Gazën si “shansi më i mirë për t’i dhënë fund dy viteve lufte, mjerimi dhe vuajtjeje”.
Marco Rubio, Sekretar i Shtetit i SHBA-së, do të luajë një rol qendror në politikën e jashtme të administratës Trump. Fillimisht kundërshtar i një armëpushimi në Gaza, Rubio më vonë e përshëndeti marrëveshjen Izrael–Hamas të tetorit si planin “më të mirë” dhe “të vetëm”. Ai gjithashtu ka kritikuar përpjekjet për aneksimin e Bregut Perëndimor nga Izraeli.
Steve Witkoff, i dërguari special i SHBA-së për Lindjen e Mesme dhe biznesmen i pasurive të paluajtshme, do të jetë pjesë e bordit. Ai ka njoftuar nisjen e fazës së dytë të planit të Trump për Gazën, që përfshin rindërtimin dhe demilitarizimin e plotë të territorit, përfshirë çarmatimin e Hamasit. Ëitkoff ka qenë gjithashtu i përfshirë në përpjekjet diplomatike për paqe mes Rusisë dhe Ukrainës.
Jared Kushner, dhëndri i presidentit Trump, ka luajtur një rol kyç në negociatat e politikës së jashtme të administratës, përfshirë konfliktet Rusi–Ukrainë dhe Izrael–Gazë. Ai është takuar me kryeministrin izraelit Benjamin Netanyahu për të diskutuar çështjet kyçe të pazgjidhura dhe ka deklaruar më herët se potenciali ekonomik i Gazës, veçanërisht bregdeti, mund të jetë shumë i madh nëse fokusi vihet te zhvillimi.
Marc RoWan, miliarder dhe CEO i Apollo Global Management, si dhe Ajay Banga, president i Bankës Botërore dhe ish-CEO i Mastercard, janë gjithashtu pjesë e bordit. Banga u nominua për drejtimin e Bankës Botërore nga ish-presidenti Joe Biden në vitin 2023.
Anëtari i fundit themelues është Robert Gabriel, këshilltar i sigurisë kombëtare i SHBA-së, i cili ka bashkëpunuar me Trump që nga fushata presidenciale e vitit 2016.
Shtëpia e Bardhë njoftoi se Nickolay Mladenov, ish-i dërguar i OKB-së për Lindjen e Mesme, do të jetë përfaqësuesi i bordit në Gaza. Ai do të mbikëqyrë Komitetin Kombëtar për Administrimin e Gazës (NCAG), një trup prej 15 teknokratësh palestinezë të ngarkuar me menaxhimin e përditshëm të territorit pas luftës. /Pamfleti
Lobim apo jo Rama po ulet mes emrave me te rendesishem botëror
Po nje pyetje: ku eshte ftesa? Dhe nje koment. Bordi i paqes ka 7 antare. 6 amerikane (trump kushner witkof etj dhe nje indiano amerikan). Rama aty nuk eshte. Me fal po per cfare bordi paqe flet ky karagjoz? Sqarojeni pak kete pike ju gazetare koti! Ka ambasada amerikane ndonje koment per kete? Se mos eshte ndonie percartje e rames
Po ca bord paqeje! Aty nuk e kane ftuar. Maksimumi do jete te OJF qe do kete kushedi sesa vende qe do japin leke nga buxheti i tyre per gazen. Dhe ky e shet si ftese personale. Derisa genjen ky, me siguri qe i ka super keq punet
Po ti kishte ardhur ftesa nga Trump,Edi Rama do t'a nxirrte në të gjitha mediat foton e saj me nënshkrimin e z.Trump.2???? A kishte në atë listë një kryeministër në detyrë?!(Jo, padyshim)Përgjigja kuptohet.. Një tradhtar i kombit shqiptar si Edi Rama duhet fshirë nga analet e historisë ????
Eshte vene se do te bien nje pjese te palestinezeve ne Shqiperi. Projekt qe ka mbi 2 vjet qe eshte hartuar dhe tani po vihet ne zbatim. Ka vite qe eshte fol ne TV per kete. Edhe vizita e;Blinkenit ne Shqiperi per kete eshte bere.
Hahaha, do të marrë palestinezet ne Shqipëri.
Te lumte loqja hani mut tani po e rrezon USA dhe pak dite i kane ngel e hengri iku mbaroi dhe ja çudia e radhes ,por te pakten Rama te jape doreheqje nga Shqiperia dhe te ndertoje Gazen lum si banoret e Gazes cfare fati????
Ueeee ????????????, te njejten frees kishin marre edhe nja dy presidente nga amerika latine, edhe keta po fluturonin… ftese per shqyrtim pjesemarrje per nje bord akoma virtual .. ueee iku Rama, flurudhe, bashke me servilet e medias.. Nastradin e hajdut
Kete beteje Rama e ka jeta vdekje. Kane lobuar vendet arabe per Ramen. Jordania dhe Emiratet. Pervec zyres se Toni Bler e cila paguhet dhjetera miliona euro ne vit nga Alibaba shqiptar.
Hahaha shikoni sa i trembur eshte diteziu. Eshte spurdhjak, mos shikoni qe e trashe zerin.