FLASH
Shkruar nga Pamfleti
Kryeministri i Kroacisë, Andrej Plenkoviç, ka përshëndetur Kuvendin Kombëtar të PD-së, përmes një mesazhi që u transmetua në ekranet e vendosur në Pallatin e Kongreseve, atje ku po zhvillon punimet forumi më i lartë vendimmarrës i Partisë Demokratike.
Në mesazhin e tij, Plenkoviç i ka uruar të gjithë anëtarëve të Partisë Demokratike të Shqipërisë një kuvend sa më të suksesshëm.
“Isha shumë i kënaqur që prita zotin Sali Berisha, mikun tim prej shumë vitesh, në Kroaci gjatë Forumit të IDU-së këtu në Zagreb, disa javë më parë.
Patëm një bisedë të gjerë mbi aktivitetet dhe reformimin e partisë.
Ne ndajmë të njëjtin orientim të qëndrueshëm pro-europian dhe dëshiroj t’ju jap mbështetjen e fortë të Bashkimit Demokratik Kroat për një kuvend të suksesshëm të partisë dhe për suksese të mëtejshme elektorale”, tha ai.
Lini një Përgjigje