FLASH
Shkruar nga Pamfleti
Raporti vjetor i Këshillit të Lartë të Prokurorisë është bërë pjesë e diskutimeve në Komisionin e Ligjeve.
Kreu i grupit të PD, Gazment Bardhi me tone të larta tha se KLP për më shumë se 5 vite ka pasur për kryetar një person që sipas Kushtetutës, nuk mund të ushtrojë profesion në organet e drejtësisë për 15 vite.
'Kam ndjekur mbledhjen e fundit të KLP, dhe dua të shpreh keqardhje për nivelin e asaj mbledhjeje.KLP, për më shumë se 5 vite ka pasur kryetar një person që sipas Kushtetutës, nuk mund të ushtrojë profesion në organet e drejtësisë për 15 vite.
Kryetari i saj ka qenë në kushtet e pazgjedhshmërisë në atë pozicion.Ka marrë pjesë në procese të rëndësishme në organet e drejtësisë së re.
Sa e ka cenuar kjo vendimmarrjen e KLP-së dhe sa ka kontribuar kjo në forcimin e besimit të publikut tek KLP?
Në gjykimin tim një person që është në kushtet e pazgjedhshmërisë cenon rëndë besimin e publikut dhe integritetit të KLP-së.', tha Bardhi në Komisionin e Ligjeve.
14 prokurorë kanë kërkuar mbrojtje të posaçme përgjatë vitit 2023 pas sulmeve apo kërcënimeve. Këtë e pranoi Kryetari në detyrë i Këshillit të Lartë të Prokurorisë, Tartar Bazaj për Komisionin e Ligjeve ku raportoi rezultatet e vitit 2023.
Lini një Përgjigje