FLASH
Shkruar nga Pamfleti
Pak para nisjes së protestës së radhës së opozitës përpara Kryeministrisë, policia ka ndërhyrë duke bllokuar me gardh metalik kalimin nga Kryesia e Kuvendit drejt zonës së ish-Bllokut.
Mes selisë së Kuvendit dhe vilës së ish-diktatorit është vendosur një autobot me ujë, për të përballuar çdo situatë që mund të krijohet.
Kjo masë vjen në vijim të incidenteve të regjistruara në protestën e mëparshme, kur gjatë marshimit në Tiranë, disa protestues hodhën molotovë në drejtim të të ashtuquajturës “Vila 31”, e njohur si ish-vila e diktatorit Enver Hoxha, ndërkohë që brenda kishte edhe disa artistë, të cilëve iu rrezikua jeta.
Autoritetet kanë rritur nivelin e sigurisë në zonat kyçe të kryeqytetit, duke synuar parandalimin e incidenteve të ngjashme dhe garantimin e rendit gjatë tubimit.
Policia ka marrë masa jo vetëm për institucionet, por ka “blinduar” me gardh metalik edhe xhaminë e Namazgjasë.
Lini një Përgjigje