FLASH
Shkruar nga Pamfleti
Halit Valteri, këshilltari i PS në Këshillin Bashkiak të bashkisë së Tiranës, i ftuar në emisionin “Oponencë” tha se ka indicie se kush është Nesti Angoni, personi që me denoncimet e tij çoi në burg kryebashkiakun e shkarkuar të Tiranës, Erion Veliaj.
Ai tha se ky person nuk ndodhet brenda PS, por sipas tij, mund të jetë i PD.
“Unë e kam një indicie kush mund të jetë Nesti Angoni. Ja u siguroj se nuk është brenda PS. Do ta merrni vesh. Mund të jetë i PD, nuk ka asnjë çudi”, tha Valteri.
Kujtojmë se Nesti Angoni, një denoncues anonim, depozitoi në SPAK një seri denoncimesh lidhur me Kryebashkiakun e Tiranës, Erion Veliaj, i cili prej 10 shkurtit 2025 ndodhet nën masën e "arrestit me burg" kërkuar nga Prokuroria Speciale dhe lënë në fuqi nga GJKKO dhe shkallët e tjera të gjyqësorit shqiptar.
Lini një Përgjigje