FLASH
Shkruar nga Pamfleti
Brukseli ka shfaqur mjaft kritika për koncesionet, tenderët, pasaportat e arta, amnistinë fiskale dhe lirinë e medias...
Bashkimi Europian ka lëshuar kritika të ashpra ndaj qeverisë. Aferat me tenderat, pasaportat e arta dhe amnistia fiskla shihen me shumë skepticizëm nga Brukseli. Reporterja për Shqipërinë, Isabel Santos ka hartuar një rezolutë për vendin tonë, e cila është mjaft kritike.
“Pamfleti” ditët e fundit ka publikuar detaje nga rezoluta sa i takon hapjes së dosjeve të Sigurimit dhe luftës ndaj korrupsionit, ndërkohë që ka shumë kritika ndaj qeverisë.
“PE shpreh shqetësimin në lidhje me aspektet e projektligjit për amnistinë fiskale dhe skemën e propozuar të pasaportave në shkëmbim të investimeve dhe i konsideron këto skema të papajtueshme me normat e BE-së dhe politikën e vizave”, thuhet në rezolutë.
Kritika ka dhe sa i takon skemës së tenderimeve dhe koncesioneve. Duket se mesazhi shkon për aferën me Portin e Durrësit. “PE thekson detyrimin e autoriteteve për transparencë dhe garë në prokurimet publike, kontratat e qeverisë, privatizimet, ndihmën shtetërore dhe procedurat koncesionare”, thuhet në raport.
Nuk mbetet pas as liria e medias. Në këtë aspekt i është dhënë një goditje e fortë qeverisë, pasi sipas BE politika ndërhyn në media.
“PE shpreh shqetësimin në mungesën e progresit për arritjen e transparencës institucionale, lirisë së shprehjes dhe lirisë së medias dhe thekson rolin që kanë udhëheqësit politikë në krijimin e një mjedisi mundësues për këto liri; dënon përpjekjet për të diskretituar reporterët dhe për të mbajtur në mënyrë arbitrare informacionin publik si dhe dështimin për të siguruar sigurinë e gazetarëve”, theksohet në rezolutë.
Më herët “Pamfleti” raporti se Santos për herë të parë kërkonte të hapen dosjet e Sigurimit, duke i dhënë goditje të fortë Ilir Metës. Po ashtu ajo ka dërguar mesazhe dhe te SPAK që të godasë të korruptuarit. /Pamfleti
Lini një Përgjigje