FLASH
Shkruar nga Pamfleti
Kuvendi ka mbajtur sot një minutë heshtje për ndarjen nga jeta të profesorit Sami Repishti, pas propozimit nga ana e kreut të PD, Sali Berisha.
Një fjalën e tij të parë nga foltorja e Kuvendit pas 11 muajsh në arrest, Berisha zgjodhi t’ia kushtonte të ndjerit, profesorit Sami Repishti, kërkesë që më pas u pranua nga të dy grupet parlamentare.
“Një luftëtar i paepur kundër diktaturës komuniste, një martir i gjallë që përjetoi në vitet e para të diktuarës barbarinë dhe torturat me çnjerëzore, profesor Sami Repishti. Ishte një ndër më të shquarit shqiptar në diasporë dhe migracionin tonë, fjala dhe penda e tij nuk rreshti kurrë së mbrojturi çështjen kombëtaren dhe interesin kombëtar.
Ai një antikomunist i vendosur, i dëshmoi me shkrimet e tij mbarë botës, fytyrën e vërtetë të regjimit të Hitlerit shqiptar. Fjala e tij u dëgjua në të gjitha instancat e shtetit Amerikan për të drejtat e shqiptarëve të pushtuar në Kosovë. Për të gjitha këto ftoj Kuvendin ta nderojmë këtë burrë të shquar të kombit shqiptar me 1 minutë heshtje”, tha Berisha.
Lini një Përgjigje