FLASH
Shkruar nga Pamfleti
Mediat italiane e "masakruan", Rama është kujtuar sot t'i dalë në krahë të vëllait...
Deklaratat që kanë ardhur nga Italia duket se kanë tërbuar Edi Ramën. Teksa heshti lidhur me atë që thuhej për Olsin, sot është kujtuar ta marr në mbrojtje.
Pas deklaratës së SPAK-ut se Gazment Bardhi nuk ka depozituar një kallëzim ndaj Olsi Ramës, për çështjen Xibraka, Rama ka reaguar duke thënë e akuzat politike i janë shitur si “sapun për djathë” medias italiane “RAI3”.
Me anë të një postimi në rrjetin social “X”, Rama la të kuptohet se emisioni investigativ i pak ditëve më parë nga RAI3 ishte iniciuar nga opozita me qëllim për të goditur Shqipërinë me duart e të huajve.
Rama e quajti Bardhin, palo burrë që hedh gurin dhe fsheh dorën. Sipas Ramës kjo gënjeshtër e kishte fustanin e shkurtë dhe doli lakuriq para syve të shqiptarëve. Kreu i qeverisë, shtoi se ka ikur koha kur Shqipëria pasqyrohej si dele e zezë në mediat italiane.
“Kam bërë kallzim” po kallzim s’paska bërë thotë SPAK-u, ndërkohë që kallzimi që s’qenka bërë iu është shitur si sapun për djathë italianëve të atij emisionit të turpshëm për Shqipërinë, të cilëve letrat e kallzimit inekzistent të ulëritur në parlament u janë ofruar si akte…
— Edi Rama (@ediramaal) April 25, 2024
Postimi i plotë i Ramës:
Kam bërë kallzim” po kallzim s’paska bërë thotë SPAK-u, ndërkohë që kallëzimi që s’qenka bërë iu është shitur si sapun për djathë italianëve të atij emisionit të turpshëm për Shqipërinë, të cilëve letrat e kallëzimit inekzistent të ulëritur në parlament u janë ofruar si akte gjyqësore!
Hajde hajde ç’vete!
Për të sulmuar Shqipërinë me duart e të huajve, ky soj shqiposh ka që në vitin 1912 që nuk le poshtërsi, sajesë, hile e gënjeshtër pa e nxjerrë jashtë kufijve të këtij vendi, po kjo historia e kallzimit të pakallzuar për t’i shpëtuar rrezikut të dënimit për kallzim të rremë është një nivel i ri pafytyrësie karshi publikut shqiptar, se palo burra që hedhin gurin e fshehin dorën ka parë plot kjo tokë, po soj burri që të ngrejë dorën sikur ka hedhur gurin, duke u hakërryer si të kishte vrarë shtatë zogj me atë gur që s’paska ekzistuar fare, nuk na kishin zënë akoma sytë!
S’duhet të jetë burrë se s’ka mundësi, është thjesht çingije që ngre dorën duke kërcyer prehër më prehër sikur ka gur për të hedhur. Po s’ka shans që kjo gënjeshtër me fustan të shkurtër të mbetet pa dalë cullak faqe shqiptarëve, siç po dalin shpejt e shpejt cullak faqe italianëve edhe gënjeshtrat që ky soj shqiposh pa atdhe ia dha autorëve të atij emisionit skandaloz, për të kthyer në Itali kohën e vdekur kur Shqipëria ishte vend i zi dhe shqiptarët ishin delet e zeza të Europës!
Ta harrojë kush e tenton, ajo kohë nuk kthehet më se Shqipërisë dhe shqiptarëve s’u drejtohet dot më askush si të ishin jetimë pa identitet e pa gojë
Lini një Përgjigje