FLASH
Shkruar nga Pamfleti
Grupi Parlamentar i Partisë Demokratike ka paraqitur kërkesë për interpelancë urgjente me kryeministrin Edi Rama, lidhur me investigimin e televizionit italian Rai 3.
Në kërkesën e depozituar nnga kreu i Grupit Parlamentar të PD-së, Gazment Bardhi, theksohet se në datën 22 Prill 2024, “emisioni “Report” në televizionin publik italian RAI 3 ka publikuar një investigim për lidhjet e forta të krimit të organizuar me qeverisjen e Edi Ramës. Lidhur me këtë investigim kërkohet një interpelancë urgjente me kryeministrin.
“Në këto kushte, me qëllim dhënien e informacioneve dhe shpjegimeve lidhur me shqetësimet e paraqitura në përmbajtje të investigimit të emisionit “Report”, në televizionin italian RAI 3, si dhe ndërhyrjen tek drejtuesit e këtij televizioni lidhur me këtë investigim nga ana e Kryeministrit Edi Rama, kërkojmë zhvillimin e një interpelance urgjente me kryeministrin Edi Rama”, thuhet në shkresën e firmosur nga Kryetari i Grupit Parlamentar të PD Gazment Bardhi.
Lini një Përgjigje