FLASH
Shkruar nga Pamfleti
Një bos shqiptar i trafikut të Kokainës nga Kolumbia në SHBA dhe Evropë është dënuar me afro 20 vite burg nga autoritetet amerikane. Lajmin e ka bërë të ditur Departamenti Amerikan i Drejtësisë.
Sipas tij, Agim Cerma, narkotrafikanti me origjinë shqiptare, i cili u arrestua në Kolumbi në korrik të vitit 2023, është dënuar me 20 vjet burg nga një gjykatë amerikane.
I njohur ndryshe me nofkën “Jimmy”, 54-vjeçari shqiptar me banim në Kolumbi, u dënua me 240 muaj burg pasi u deklarua fajtor për rolin e tij në trafikun e kokainës përmes avionëve të regjistruar në SHBA.
“Trafikimi ndërkombëtar i drogave të paligjshme përfaqëson një kërcënim të drejtpërdrejtë për sigurinë e qytetarëve të Shteteve të Bashkuara dhe ky hetim dhe ndjekje penale çmontojnë një operacion që planifikoi të trafikonte qindra kilogramë kokainë jashtë Kolumbisë. Ne përshëndesim punën e jashtëzakonshme të partnerëve tanë të zbatimit të ligjit në mbylljen e këtij operacioni dhe sjelljen e narkotrafikantëve para drejtësisë”, tha prokurori amerikan Steinberg.
Siç përshkruhet në dokumentet dhe dëshmitë e siguruara në gjykatë, në vitin 2020 Administrata e Zbatimit të Drogës në SHBA, duke punuar me agjencitë e zbatimit të ligjit në Kolumbi, identifikoi individë të përfshirë në trafikun e drogës në shkallë të gjerë. Hetimi provoi se Cerma dhe grupi i tij po planifikonte prodhimin dhe transportimin e qindra kilogramëve kokainë nga Cali, Kolumbi, në Evropë përmes një avioni të regjistruar në SHBA.
Trafikantët shpresonin se regjistrimi i avionit në SHBA do të shmangte kontrollet shtesë që u duhej të kryenin avionët kolumbian.
Skema përfshinte pagesën e punonjësve të korruptuar të aeroportit, prodhimin e më shumë se 300 kilogramëve kokainë nga një laborator në Kolumbi dhe pagesat për e organizimin dhe ekzekutimin e dërgesës.
Hetimi zbuloi se Cerma ishte drejtuesi i organizatës së trafikut të drogës që u përpoq ta kryente atë përmes avionëve të regjistruar në SHBA.
Autoritetet e zbatimit të ligjit në Aeroportin Ndërkombëtar të Calit sekuestruan valixhe që përmbanin afërsisht 330 kilogramë kokainë të destinuara për një avion që udhëtonte për në Evropë.
Cerma u arrestua në Kolumbi në korrik 2021 dhe u ekstradua në Shtetet e Bashkuara në shtator 2023. Katër të bashkëpandehur kolumbianë gjithashtu u ekstraduan në Shtetet e Bashkuara dhe tre prej tyre janë deklaruar fajtorë në gjykatën amerikane.
Lini një Përgjigje