FLASH
Shkruar nga Pamfleti
Gjykata Durrësit ka vendosur masën e sigurisë "arrest me burg" për 40-vjeçarin Aleks Marku.
Ai u arrestua dy ditë më parë nga forcat RENEA, pasi mbajti peng për disa orë dy fëmijët e tij të mitur dhe terrorizoi banorët, pasi qëlloi disa herë me kallashnikov.
Ndaj 40-vjeçarit rëndojnë 3 akuza, ajo e armëmbajtjes pa leje, shkatërrimit të pronës dhe kundërshtimit të forcave të policisë.
Kujtojmë se Marku u dorëzua pas rreth 5 orësh negociata me efektivët e repartit RENEA.
Polici mori njoftimin rreth orës 02:20 nga banorët e zonës në afërsi të Shkëmbit të Kavajës në Durrës, se dëgjoheshin të shtëna me armë zjarri brenda apartamentit të lëshuar me qira. Por, lirimi dhe dorëzimi i fëmijëve është bërë i mundur në orën 07:00 të mëngjesit.
Pas vetëdorëzimit ai ka deklaruar se: "Qëllova nga dritarja sepse prisja të më sulmonin disa njerëz".
40-vjeçari mbajti peng për disa orë fëmijët e tij brenda një apartamenti të marrë me qira në Durrës.
Fëmijët e mitur të moshës 6 dhe 11 vjeç qanin në banesë duke i kërkuar të atit të vetëdorëzohej teksa RENEA negocionte me 40-vjeçarin nga Lezha.
Mësohet se Aleks Marku qëlloi mbi 15 herë nga dritarja me kallashnikov.
Lini një Përgjigje