FLASH
Shkruar nga Pamfleti
Policia italiane ka sekuestruar mbi 200 gramë kokainë dhe 40 mijë euro cash pas kontrollit brenda një shtëpie në lagjen Valmaura të Triestes.
Ajo që i vuri në dyshim efektivët ishte niveli i jetesës së 22-vjeçarit shqiptar pa leje qëndrimi, dukshëm më i lartë se aktiviteti i tij i punës.
Kështu, kontrolli ka çuar në zbulimin e parave brenda një qese, ndërsa në pjesë të tjera të banesës u gjetën një copë kokainë rreth 212 gramë, 8 paketime të vogla të së njëjtës lëndë, 4 tableta ekstazi, 2 peshore elektronike dhe celular.
Gjatë kontrollit në makinën e të riut u gjetën edhe sekuestruan 200 euro të tjera cash. Shqiptari u arrestua për posedim dhe shpërndarje droge.
Lini një Përgjigje