FLASH
Shkruar nga Pamfleti
37-vjeçari shqiptar në Britani, i cili rreth një javë më parë kishte tentuar të vriste veten ka ndërruar jetë në spital ditën e djeshme.
Sipas “The Guardian”, e cila citon burimet nga ‘Home Office’ për vdekjen e të riut shqiptar kanë nisur tre hetime.
I riu i cili humbi jetën në spital ditën e djeshme, kishte tentuar të vriste veten një javë më parë në qendrën e largimit të emigracionit Brook House pranë aeroportit Gatwick dhe më pas u dërgua në spitalin East Surrey, ku qëndroi në njësinë e kujdesit intensiv.
Ndërkohë, sot Zyra e Brendshme konfirmoi vdekjen e 37-vjeçarit. Policia, mjeku ligjor dhe avokati i popullit të burgjeve dhe provës kanë nisur hetimet.
Kujtojmë se, një protestë u organizua në Brook House, kryesisht nga shqiptarë pas përpjekjes së 37-vjeçarit për të vrarë veten dhe tentativës për vetëvrasje të një shqiptari të dytë.
Një shqiptar i pranishëm në protestë tha se dy personat që kishin tentuar të vrisnin veten kishin frikë për sigurinë e tyre për shkak të planeve të afërta për t’i kthyer ata në Shqipëri.
“Njëri prej tyre më tha se mendonte se do të ishte më mirë të vdiste në Mbretërinë e Bashkuar sesa të kthehej në Shqipëri. Trajtimi ynë në paraburgim nuk është i mirë. Ne nuk jemi kafshë; ne jemi njerëz”, u shpreh ai.
Lini një Përgjigje