FLASH
Shkruar nga Pamfleti
Policia e Tropojës ka sekuestruar 297 bimë kanabis në kuadër të një operacioni antikanabis të koduar ‘Bjeshkët e Namuna’.
Nga kontrolli i policisë në zonat e thella malore, me ndihmë të dronëve, në territorin e fshatit Gjonpepaj, janë gjetur të kultivuara 297 bimë kanabis, të cilat u asgjësuan nëpërmjet djegies.
Policia ka hetuar në gjendje të lirë shtetasin P.U., kryetari i fshatit Gjonpepaj, i cili dyshohet për veprat penale "Shpërdorimi i detyrës" dhe "Moskallëzimi i krimit".
Vijojnë veprimet hetimore, me qëllim identifikimin dhe arrestimin e autorit/ëve të kësaj veprimtarie kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
Lini një Përgjigje