FLASH
Shkruar nga Pamfleti
Një aksident i rëndë rrugor ka ndodhur ditën e sotme në fshatin Gjorm, në aksin përgjatë lumit të Vlorës.
Sipas informacionit paraprak, bëhet me dije se një automjet tip “Citroen” i drejtuar nga shtetasi Viktor Kananaj ka humbur kontrollin dhe ka dalë nga rruga.
Si pasojë e aksidentit, dyshohet se kanë mbetur të plagosur 5 persona, mes të cilëve edhe dy fëmijë nën moshën 14 vjeç. Ende nuk ka të dhëna zyrtare mbi gjendjen e tyre shëndetësore.
Konkretisht, dyshohet se të plagosur kanë mbetur shtetasit: Adriana Shakaj, 18 vjeçe; Elvis Shakaj, rreth 12 vjeç; Nertila Shakaj, 41 vjeçe; Dallandyshe Kananaj, 68 vjeçe, si dhe vetë drejtuesi i mjetit.
Në vendin e ngjarjes kanë mbërritur forcat e Policisë dhe shërbimi mjekësor, të cilët po japin ndihmën e parë dhe po punojnë për zbardhjen e rrethanave të aksidentit.
Lini një Përgjigje