FLASH
Shkruar nga Pamfleti
Ministria e Mbrojtjes e Turqisë njoftoi se sistemet e mbrojtjes ajrore të NATO-s, të vendosura në Mesdheun lindor, kanë rrëzuar një raketë të katërt balistike që hyri në hapësirën ajrore turke. Sipas njoftimit, raketa hyri në territorin ajror turk pas fluturimit mbi Irak dhe Siri, por u neutralizua me sukses pa shkaktuar viktima apo dëme materiale.
Ky është incidenti i katërt i këtij lloji që nga fillimi i konfliktit SHBA-Izrael kundër Iranit.Tre raketat e mëparshme u rrëzuan nga sistemet e NATO-s gjatë këtij muaji, çka shtyu Ankaranë të protestonte zyrtarisht te Teherani dhe të paralajmëronte Iranin për pasojat e mundshme.
Teherani ka mohuar çdo përfshirje në këto incidente, duke deklaruar se nuk ka autorizuar asnjë lëshim raketash drejt Turqisë. theksoi se
“Po merren të gjitha masat e nevojshme me vendosmëri dhe pa hezitim kundër çdo kërcënimi të drejtuar ndaj territorit sovran të Turqisë”, tha Ministria turke e Mbrojtjes.
Turqia, si vend anëtar i NATO-s, ka shprehur shqetësimin se këto incidente mund të tërheqin aleancën më thellë në konfliktin në zhvillim. Deri tani nuk ka pasur reagim të menjëhershëm zyrtar nga Irani për rastin e katërt.
Lini një Përgjigje