FLASH
Shkruar nga Pamfleti
Gjatë një interviste televizive kryetarja e Gjykatës Kushtetuese, Holta Zaçaj u pyet nëse ndjehet nën presion dhe nëse kjo situatë e krijuar në raport me këtë gjykatë, ka lidhje me seancën e 19 dhjetorit, ku do të shqyrtohet lidhur me Sky ECC.
E ftuar në emisionin ‘Log.’ në News24, Zaçaj tha se nëse ndonjë nga anëtarët e Kushtetueses është nën presion ai duhet të vërë në dijeni Kryetaren e Gjykatës Kushtetuese.
“As unë dhe asnjë anëtar i Kushtetueses nuk është nën presion”, tha Zaçaj. Ajo vuri theksin se e gjithë situata u krijua pasi Gjykata e Lartë përcaktoi datën 10 mars si ditën kur i përfundon mandati në Kushtetuese, një gjë që nuk kishte ndodhur kurrë më parë.
“Është shuë e rëndësishme që ky moment të sqarohet, pasi duhet zgjidhur koha se kur i përfundon mandati një anëtari të Kushtetueses”, tha Zaçaj.
Lini një Përgjigje