FLASH
Shkruar nga Pamfleti
Është mbyllur sfida mes Tiranës dhe Elbasanit luajtur në Durrës. Dy ekipet kanë ndarë nga një pikë në derbi, ku shumë tifozë ndodheshin në shkallët e stadiumit “Niko Dovana”.
Sulmuesi Zharmouni hapi shifrat në takimin përballë verdhebluve. Francezi gjeti golin në minutën e 13. Ndërsa, elbasanasit shtuan forcat në pjesën e dytë për të gjetur ekuilibrat, pas një pjese të parë në avantazhin e bardhebluve. Elbasani ia doli të barazonte shifrat pas një goditjeje këndi që gjeti mbrojtësin Emiliano Musta dhe ky i fundit nuk gaboi me kokë. Ish-i i Egnatias ekuilibroi gjithçka në minutën e 73.
Dy klubet u përpoqën të merrnin diçka më tepër nga kjo ndeshje, por paqja u vulos në fund në stadiumin e Teutës.
Nuk ka fitues në takimin mes Dinamos dhe Skënderbeut duke u mbyllur në barazim me shifrat 1-1.
Fillimisht korçarët që realizuan me Rashicën nga pika e bardhë, por Lorran arriti të barazonte për dinamovitët me një gol të bukur me kokë.
Me këtë barazim, Dinamo mbetet në vendin e katërt të renditjes me 39 pikë, tre pikë larg Egnatias kryesuese. Ndërsa Skënderbeu në vendin e fundit me 20 pikë, katër pikë larg daljes nga zona e ftohtë.
Lini një Përgjigje