FLASH
Shkruar nga Pamfleti
Një tifoz i Lejton Orient humbi jetën gjatë ndeshjes kundër Linkolnit. Lajmi tragjik erdhi nga ndeshja e Ligës 1 angleze, e cila u ndërpre për shkak të ngjarjeve të tmerrshme. Në minutën e 84 pati një ndërprerje, tifozët hynë në fushë për të ndaluar lojën dhe për të tërhequr vëmendjen se një njeri në tribunë kishte nevojë për ndihmë mjekësore.
Të dyja skuadrat u tërhoqën nga fusha dhe fatkeqësisht tifozi ndërroi jetë pas një ataku kardiak, pavarësisht tentativave të mjekëve për ta rikthyer në jetë.
“Na thirrën në orën 21:28 dje për të raportuar se një person nuk ishte mirë në Lejton Orient Football Club, në Brisbane Road. Ne dërguam një numër të caktuar personeli në vendngjarje, duke përfshirë një oficer të urgjencës, dy ndihmësmjekë në ambulanca dhe një ekuipazh ambulance. Mjeku ynë i parë mbërriti për rreth katër minuta”, njoftuan ata nga dhoma e urgjencës në Londër.
Lajmëroi gjithashtu Leyton Orient. “Ndeshja e së martës kundër Linkoln Sitit u braktis për shkak të një urgjence mjekësore në East Stand në Brisbane Road. Mendimet e të gjithëve në Lejton Orient Football Club janë me individët e përfshirë dhe të dashurit e tyre në këtë kohë të vështirë. Klubi dëshiron të falënderojë të gjithë tifozët e pranishëm në Brisbane Road sonte për mirëkuptimin dhe dhembshurinë e tyre gjatë një situate shumë të vështirë. Klubi do të japë përditësime të mëtejshme në kohën e duhur,” - thuhet në deklaratë.
???? | A Leyton Orient fan has sadly died after a medical emergency saw supporters rush onto pitch to try and stop the game so they could get help. pic.twitter.com/sAKfNUAiwf
— SPORTbible (@sportbible) October 4, 2023
Lini një Përgjigje