Vedat Muriqi ka gjetur golin e 13 në këtë sezon të La Liga me fanelën e Majorkës. Shqiptari i Kosovës, ka tundur rrjetën në minutën e 80 në duelin ndaj Zhironës, të vlefshëm për javën e 33.
Ish-sulmuesi i Teutës dhe Besës së Kavajës në Shqipëri, arriti të tregohej i saktë nga pika e bardhë e penalltisë, duke vendosur përkohësisht baraspeshën, teksa vendasit 4 minuta më pas gjetën sërish golin e avantazhit me Kastelanos.
Në këtë sezon, Muriqi numëron 30 ndeshje me fanelën e Majorkës në kampionat, ku veç 13 golave, ka regjistruar edhe 3 asiste.
Sulmuesi shqiptar i Kosovës, momentalisht renditet në vendin e gjashtë në listën e golashënuesve. Vetëm emra big si Levandovski, Benzema, Grizman, Unal dhe Joselu kanë shënuar më shumë se Muriqi këtë sezon në La Liga.
???????? Vedat Muriqi's 13th goal on @LaLigaEN so far this season!
— Kosovan Football ???????? (@kosovanfooty_EN) May 4, 2023
King! pic.twitter.com/paQsInxYqM
Lini një Përgjigje