FLASH
Shkruar nga Pamfleti
Trajneri i Kombëtares, Silvinjo ka pasur disa takime me lojtarët kuqezinj. Braziliani, së bashku me Zabalëtën dhe Dorival kanë qenë në Varshavë dhe në Londër për të takuar dy sulmuesit kuqezi Ernest Muçin dhe Armando Brojën.
Tekniku brazilian dhe ndihmësit e tij kanë një marrëdhënie të shkëlqyer me stafin teknik të Çelsit të udhëhequr nga Poçetino dhe stafi mjekësor i klubit anglez, që ka qendruar në kontakt të vazhdueshëm me stafin tonë për të informuar në lidhje me lojtarin. Broja u dëmtua në dhjetor të vitit të kaluar gjatë një ndeshje miqësore dhe ka 9 muaj që nuk luan, teksa rikuperimi po ecën shumë mirë.
Ata e kanë inkurajuar Brojën që të rikthehet sa më shpejt në gjendjen e tij më të mirë dhe e kanë garantuar se do të jenë gjithmonë pranë tij për t’i dhënë mbështjen e duhur në këtë moment delikat për të. Gjithashtu, ata urojnë që lojtari të rikthehet sa më shpejt dhe të marrë minuta pas gjithë këtyre muajve të vështirë që ka kaluar.
Po ashtu, stafi kuqezi ka parë nga afër shkëlqimin e Ernest Muçin. Sulmuesi kuqezi shënoi dopietë në ndeshjen e grupeve në Ligën e Konferencës, me Lexhian e Varshavës që fitoi 3-2 kundër Aston Vilës. Pas ndeshjes, Muçi dhe stafi i Kombëtares darkuan së bashku, me futbollistin që mori komplimenta për paraqitjen.
Lini një Përgjigje