FLASH
Shkruar nga Pamfleti
Mirlind Daku është zgjedhur në formacionin më të mirë të javës së 21 të Premier Ligës së Rusisë.
Sulmuesi i Kombëtares Shqiptare shkëlqeu me një gol dhe një asist në fitoren 2-1 përballë Akhmat Groznit, performancë që u vlerësua ndër më të mirat në fundjavën që lamë pas.
Daku është përzgjedhur në rolin e sulmuesit të parë në rreshtimin 4-3-3 të formacionit të javës.
Sulmuesi i Kombëtares Shqiptare ishte si gjithmonë titullar në majë të sulmit, teksa në minutën e 12 shërbeu bukur për Randjeloviç në qendër të zonës, i cili e pati të lehtë ta shtyjë topin në rrjetë.
Në minutën e 35, Daku ia doli të shënonte vetë, duke gjetur kështu golin e parë për vitin 2024 me Rubin Kazanin dhe të pestin sezonal.
Pas një krosimi nga krahu, Daku goditi bukur me kokë, por topi u përplas në traversë dhe iu rikthye sërish, teksa këtë herë sulmuesi nuk fali, duke e shtyrë në rrjetë.
Lini një Përgjigje