FLASH
Shkruar nga Pamfleti
Përfundon ndeshja e parë gjysmëfinale e Kupës së Italisë. Derbi i Madoninës mes Milanit dhe Interit është mbyllur në barazim 1-1, teksa kualifikimi në finalen e këtij kompeticioni do të vendoset ndeshjen e kthimit.
Kuqezinjtë e nisën në mënyrën më të mirë të mundshme pjesën e dytë, teksa zhbllokuan ndeshjen që në minutën e 47.
Një aksion i shpejtë i skuadrës së drejtuar nga Konseisao, Hernandez pasoi për Fofana, ku ky i fundit dha një asist perfekt për Temi Abraham dhe anglezi dërgoi topin në rrjetë.
Inter barazoi shifrat në minutën e 67. Korrea asiston për Hakan Çalhanoglu, turku me një goditje shumë të bukur nga jashtë zone gjeti rrjetën.
Festë e madhe nga zikaltrit, sidomos nga Çalhangolu, i cili dikur ka veshur fanelën e Milanit dhe sot është një nga lojtarët më të “urryer” për kuqezinjtë.
Ndeshja e kthimit do të luhet më 23 prill.
Lini një Përgjigje