FLASH
Shkruar nga Pamfleti
Vllaznia ruan kreun dhe siguron “Final 4”, ndërsa gara për renditje mbetet e hapur në javët e fundit.
Këtë të hënë u mbyll raundi i 31-të i Superligës shqiptare të futbollit, me sfidën AF Elbasani–Partizani, e zhvilluar në stadiumin “Elbasan Arena”.
Skuadra e Elbasanit arriti një fitore bindëse 3-0 ndaj Partizanit, duke u ngjitur në vendin e dytë të renditjes me 56 pikë dhe duke forcuar pozitat në garën për “Final 4”.
Në takimet e tjera, Vllaznia konfirmoi formën e mirë, duke fituar minimalisht 1-0 ndaj Teutës dhe duke ruajtur vendin e parë me 59 pikë. Shkodranët janë gjithashtu skuadra e parë që siguron matematikisht pjesëmarrjen në fazën “Final 4”.
Tirana arriti një fitore të rëndësishme 3-1 ndaj Egnatias, duke mbajtur gjallë shpresat për një renditje më të mirë. Kryeqytetasit numërojnë 31 pikë në vendin e shtatë, po aq sa Vora dhe Bylis, ndërsa Flamurtari mbyll klasifikimin me 26 pikë.
Dy sfida të tjera përfunduan në barazim 1-1, Flamurtari–Vora dhe Bylis–Dinamo.
Rezultatet e raundit të 31-të:
Flamurtari 1-1 FK Vora
KF Tirana 3-1 Egnatia
Vllaznia 1-0 Teuta
Bylis 1-1 Dinamo
AF Elbasani 3-0 Partizani
Lini një Përgjigje